අගමැතිනිය කිඹුල් කඳුළු සලයි

පසුගිය දිනවලදී ඇති වූ විරෝධතා අතරතුරදී එම විරෝධතා හේතුවෙන් හානියට පත් වූ දුම්රියපොළක් නැරඹීමට ගිය අවස්ථාවකදී බංග්ලාදේශ අගමැතිනි ෂෙයික් හසීනා කඳුළු පිරි දෑසින් එදෙස බලාසිටින ඡායාරූපයක් මේ වනවිට සමාජ මාධ්‍යයේ සංසරණය වෙමින් පවතී.
නමුත් එරට ජනතාව පවසන්නේ අගමැතිවරිය කිඹුල් කඳුළු හෙළන බවයි. එමෙන්ම එරට පැවති උද්ඝෝෂණ හේතුවෙන් 150 දෙනෙක් පමණ මියගිය අතර එලෙස මියගිය අය වෙනුවෙන් අගමැතිවරිය ඒ ආකාරයට කනගාටු නොවූ බව විදෙස් මාධ්‍ය වාර්තා කරයි. රජයේ රැකියාවලින් 30%ක් යුද විරුවන්ගේ ඥාතීන්ට ලබාදිය යුතු බවට ගෙන ආ යෝජනාවට එරෙහිව සිසු උද්ඝෝෂණ ඇති වී තිබේ. මේ හේතුවෙන් රටපුරා හදිසි තත්ත්වයක් ඇතිවූ අතර පසුව එරට අධිකරණය මැදිහත්වී රැකියා කෝටාව 7%ක් දක්වා අඩු කළේය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi