ජාතික ජන බලවේගයේ විධායක සභික කේ.ඩී. ලාල්කාන්ත මහතා ඇතුළු නායකයන් කිහිප දෙනෙකු සමග දිවයිනේ විවිධ ප්‍රදේශවල මහා පරිමාණ ගල්කොරි ව්‍යාපාරිකයන් පිරිසක් මහනුවර තරු හෝටලයක සාකච්ඡාවක් පැවැත්වීමෙන් පසු දිවා ආහාරය ලබාදීමට සූදානම් වූ අවස්ථාවේදී මහනුවර මැතිවරණ කාර්යාලයේ නිරීක්ෂණ නිලධාරීන් පිරිසක් විසින් එය වළක්වා ඇත.
මැතිවරණ නිරීක්ෂණ නිලධාරීන් එම ස්ථානයට කඩා පනින අවස්ථාවේදී මෙරට මහා පරිමාණ ගල්කොරි ව්‍යාපාරිකයන් 25 දෙනෙකු පමණ එම ස්ථානයේ සිට ඇති බව වාර්තා වේ. මැතිවරණයක් ප්‍රකාශයට පත්කර තිබියදී මේ ආකාරයෙන් සංග්‍රහ පැවැත්වීම වරදක් බව මැතිවරණ නිලධාරීන් විසින් ජාතික ජන බලවේගයේ නියෝජිතයන්ට සහ හෝටල් කළමනාකාරීත්වයට දැනුම් දී ඇත.
එමෙන්ම පැමිණි පිරිසට දිවා ආහාරය බුෆේ ක්‍රමයට සුදානම් කර තිබූ අතර ආහාර වලට සීල් තැබීමටද මැතිවරණ නිරීක්ෂණ නිලධාරීහු පියවර ගත් බව වාර්තා වේ.
සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi
