කම්කරුවන්ගේ පක්ෂයක් ලෙස බලය ලබා ගැනීමට පෙර කටයුතු කළ ජනතා විමුක්ති පෙරමුණ, ජාතික ජන බලවේගය වශයෙන් රූපාන්තරනය වී බලය ලබා ගැනීමෙන් පසුව නිර්ධන පන්ති සංකල්ප සියල්ල අත් හැර සිටිය ද, ජාත්‍යන්තර කම්කරු දිනයේ තම අනන්‍යතාව රැක ගැනීම වෙනුවෙන් හෝ දේශපාලන පිටියේ බලය පෙන්වීම සඳහා හෝ මැයි රැලියක් පැවැත්වීමට කටයුතු කළේ ය.
වෙනදා වෘත්තීය සමිති මෙහෙයවමින් දේශපාලන බල ව්‍යාපෘතිය දියත් කළ ජනතා විමුක්ති පෙරමුණේ නායකයා ඊයේ (01) වෘත්තීය සමිති වෙත අනියම් තර්ජනයක් එල්ල කළේ මේ අතරතුර දී ය.
“අපේ වෘත්තීය සමිති ව්‍යාපාරය පරණ ආකල්ප අත්අරින්න. හූණු බිකක් ඉල්ලලා සටන් කරන කාලය අත් හරින්න. මතක තියා ගන්න. හූනු බිකටත් පොර බදින කාලය අවසන් කරන්න, දේශපාලන අධිකාරියක් ඇවිල්ලා තියෙනවා, සියල්ල අත් අරින. අපිට පනත්වලින්, ගැසට්වලින් රෙගුලාසිවලින් ලබා දීලා තියෙන බොහෝ දේ අපි අත් අරිනවා දේශපාලන අධිකාරිය. හැබැයි වෘත්තීය සමිති ව්‍යාපාරය විතරක් හූනු බිජුවක් තරම් හැමදේමත් ඉල්ලන්න එපා. කාලයක් දෙන්න. පාරට බැහැලා අවදි කරන්න ඕන දේශපාලන ව්‍යාපාරයක් නෙවෙයි අපි.”
