සංවිධානාත්මක අපරාධ කල්ලි නායකයකු බව කියන නදුන් චින්තක වික්‍රමරත්න නොහොත් හරක් කටා, තමා නිදහස් කිරීම සඳහා හිටපු මහජන ආරක්ෂක අමාත්‍ය ටිරාන් අලස් සහ වැඩ තහනම් කළ පොලිස්පති දේශබන්දු තෙන්නකෝන් රුපියල් මිලියන 300ක මුදලක් ඉල්ලා සිටි බවට ට බරපතළ චෝදනාවක් එල්ල කර තිබේ.
කොළඹ මහේස්ත්‍රාත් අධිකරණයේ පැවති නඩු විභාගයකින් පසු පොලිස් ආරක්ෂාව යටතේ රැගෙන යමින් සිටිය දී මාධ්‍යවේදීන් අමතමින් ඔහු මෙම ප්‍රකාශය සිදු කළේය.
එහිදී ඔහු තවදුරටත් මෙසේ පැවසීය. “මට කියන්න දේවල් ගොඩක් තියෙනවා. ඒ දේවල් එදාට කියන්නම්.” ඉන් අනතුරුව ඔහුව නැවත බන්ධනාගාරය වෙත රැගෙන යන ලදී.
තංගල්ල පැරණි බන්ධනාගාරයේ රඳවා තබා ගැනීම සඳහා මසකට රුපියල් මිලියන 10ක වියදමක් දරන බවට ද ඔහු ප්‍රකාශ කළ නමුත් එම සංඛ්‍යා සනාථ කිරීමට ඔහු කිසිදු සාක්ෂියක් ඉදිරිපත් කළේ නැත.
හරක් කටා සහ තවත් පාතාල සැකකරුවෙකු වන සලිඳු මල්ෂික නොහොත් කුඩු සලිඳු යන අය අපරාධ පරීක්ෂණ දෙපාර්තමේන්තුවේ (CID) කණ්ඩායමක් විසින් 2023 මාර්තු මාසයේදී මැඩගස්කරයෙන් ශ්‍රී ලංකාවට රැගෙන එන ලදී. එතැන් පටන් ඔහු ත්‍රස්ත විමර්ශන කොට්ඨාසයේ (TID) භාරයේ පසුවෙයි.
මෙම බරපතළ චෝදනා සම්බන්ධයෙන් බලධාරීන් මෙතෙක් නිල වශයෙන් ප්‍රතිචාර දක්වා නැත.
