තිස් වසරක් පුරා ශ්‍රී ලංකාවේ පැවැති යුද්ධය නිමා කර වසර 16 ක් ගත වන මොහොතේ හිටපු ජනාධිපති මහින්ද රාජපක්ෂ විසින් විශේෂ නිවේදනයක් නිකුත් කර තිබේ.
මේ එහි සාරාංශයයි.
දශක ගණනාවක් පැවති කුරිරු ත්‍රස්තවාදය පරාජය කර, රටේ සියලු පුරවැසියන්ට ආරක්ෂිතව හා සමාන අයිතිවාසිකම් සහිතව ජීවත් විය හැකි රටක් නිර්මාණය කිරීම සියලු දෙනාගේම සිහිනයක් විය.
යුද්ධය දෙමළ ජනතාවට එරෙහිව නොව ත්‍රස්තවාදයට එරෙහිව සිදු කළ එකකි. රටේ සියලු ජනතාව අපේ ජනතාවයි.
දෙමළ සිවිල් වැසියන් ත්‍රස්තවාදීන්ගේ ප්‍රාණ ඇපකරුවන් හා මිනිස් බෝම්බ බවට පත්ව සිටි අවස්ථාවක, ඔවුන් මුදාගැනීම සඳහා ශ්‍රී ලංකා ත්‍රිවිධ හමුදාව සිදු කළ මානුෂීය මෙහෙයුම් අතිශයින්ම විශිෂ්ටයි.
එදා ජීවිත බේරාගත් දෙමළ ජනතාව මේ බවට සාක්ෂි දරනු ඇත.
යුද්ධය අවසන් කිරීමෙන් පසු තමා දණින් වැටී නමස්කාර කළේ රටේ රණවිරු දරුවන්ගේ ජීවිත පූජා කර රැකගත් නිදහස් මාතෘ භූමියටයි.
තමා ජීවත්ව නොසිටින දිනක දී වුවත් අප සැමගේ මාතෘ භූමිය ස්වෛරීය රාජ්‍යක් ලෙසින් එක සිංහ ධජයක් සෙවණේ පවතීවා! යන්න තමාගේ එකම ප්‍රාර්ථනයයි.
