සංවිධානාත්මක අපරාධ කල්ලි නායකයෙකු බව කියන ‘හරක් කටා’ හෙවත් නඳුන් චින්තක වික්‍රමරත්න අද (20) දැඩි ආරක්ෂාවක් මධ්‍යයේ අධිකරණයට ඉදිරිපත් කෙරුණි. ඔහුව අධිකරණයට රැගෙන ආ අවස්ථාවේදී පොලිස් නිලධාරීන් විසින් මාධ්‍යවේදීන්ගෙන් වසන් කිරීමට කටයුතු කර තිබීම විශේෂත්වයකි.
මෙම දැඩි ආරක්ෂක විධිවිධාන යොදා ඇත්තේ, දින කිහිපයකට පෙර අධිකරණයෙන් පිටතදී ‘හරක් කටා’ විසින් සිදු කළ ආන්දෝලනාත්මක ප්‍රකාශයක් හේතුවෙනි. එහිදී ඔහු, සේවය අත්හිටුවා ඇති පොලිස්පති දේශබන්දු තෙන්නකෝන් සහ හිටපු මහජන ආරක්ෂක අමාත්‍ය ටිරාන් අලස් තමාගෙන් කප්පම් ඉල්ලා සිටි බවට බරපතළ චෝදනාවක් එල්ල කළේය.
‘හරක් කටා’ගේ මෙම චෝදනා සම්බන්ධයෙන් පොලිසිය විසින් පුළුල් විමර්ශනයක් ආරම්භ කර ඇති බව වාර්තා වේ. ඔහුගේ මෙම ප්‍රකාශය දේශපාලන හා පොලිස් ක්ෂේත්‍රය තුළ දැඩි ආන්දෝලනයක් ඇති කර තිබේ.
