තඹුත්තේගම ප්‍රදේශයේ “ඒ” ශ්‍රේණියේ ක්‍රීඩාංගණයක් ඉදිකරන ලෙස තමන් ඉල්ලා ඇති බව වෙළෙඳ අමාත්‍ය වසන්ත සමරසිංහ ප්‍රකාශ කරයි.
ඔහු මේ බව ප්‍රකාශ කළේ, අනුරාධපුරය කොළඹට දුරින් පිහිටීම හේතුවෙන් ක්‍රීඩා පහසුකම් ප්‍රමාද වී ලැබෙන බව පෙන්වා දෙමිනි.
“ක්‍රිකට් කොළඹ තිබුණට අනුරාධපුරයට ළඟා වූයේ බොහෝම ප්‍රමාද වෙලා”
ජනාධිපතිවරයාගේ ඉල්ලීමකට අනුවද තමන් තඹුත්තේගම ක්‍රීඩාංගණය “ඒ” ශ්‍රේණියේ ක්‍රීඩාංගණයක් ලෙස දියුණු කරන ලෙස ඉල්ලා ඇති බව අමාත්‍යවරයා වැඩිදුරටත් සඳහන් කළේය.
අනුරාධපුර දිස්ත්‍රික්කයට කොළඹට ලැබෙන පහසුකම් හා සමාන පහසුකම් ලැබෙන බවට සහතික වීමට රජය මැදිහත් වන බවද අමාත්‍යවරයා ප්‍රකාශ කළේය.
“යෝධයන්ගේ දේශයක් වන අනුරාධපුරයෙන් ක්‍රීඩකයන් යෝධ හයේ පහරවල් එල්ල කරනවා දැකීමට අපට අවශ්‍යයි. ඔවුන් ජාතික ක්‍රිකට් කණ්ඩායමේ නියෝජනය වනවා දැකීමට අපට අවශ්‍යයි”
