සමගි ජන බලවේගයේ පාර්ලිමේන්තු මන්ත්‍රී නීතිඥ අජිත් පී. පෙරේරා මහතාට අපරාධ පරීක්ෂණ දෙපාර්තමේන්තුවෙන් (CID) කැඳවීමක් ලැබී ඇති බව වාර්තා වේ. අභ්‍යන්තර දේශපාලන ආරංචි මාර්ග සඳහන් කරන්නේ, පසුගියදා පාර්ලිමේන්තුවේදී මන්ත්‍රීවරයා විසින් මැයි 12 වැනි දින ජනාධිපති පොදු සමාව යටතේ අතුල තිලකරත්න නමැති සිරකරුවකු නිදහස් කිරීම සම්බන්ධයෙන් කළ ප්‍රකාශයක් පිළිබඳව ප්‍රකාශයක් සටහන් කර ගැනීමට මෙලෙස කැඳවීමක් ලැබී ඇති බවයි.
කෙසේ වෙතත්, අපරාධ පරීක්ෂණ දෙපාර්තමේන්තුව වෙත පැමිණිය යුත්තේ කවදාද සහ කිනම් වේලාවකද යන්න මෙතෙක් දැනුම් දී නොමැති බවද වාර්තා වේ. මෙම කැඳවීම සම්බන්ධයෙන් වැඩිදුර තොරතුරු ඉදිරියේදී වාර්තා වනු ඇත.
