ශ්‍රී ලංකා යුද්ධ හමුදාවේ නව මාණ්ඩලික ප්‍රධානී ලෙස ශ්‍රී ලංකා ඉංජිනේරු බළකායේ මේජර් ජෙනරාල් කපිල දොළගේ මහතා පත්කර තිබේ.
ඒ මහතා ශ්‍රී ලංකා යුද්ධ හමුදාවේ 37 වන මාණ්ඩලික ප්‍රධානී වන අතර නව පත්කිරීම අද (26) සිට ක්‍රියාත්මක වේ.
මේජර් ජෙනරාල් කපිල දොළගේ නානුඔය ජේම්ස් පීරිස් මහා විද්‍යාලය හා කොළඹ රාජකීය විද්‍යාලයේ කීර්තිමත් ආදී ශිෂ්‍යයෙකි.
ඔහු 1990 ජනවාරි 9 වන දා ශ්‍රී ලංකා යුද්ධ හමුදාවේ සේවයට එක් වී තිබේ.
මේජර් ජෙනරාල් කපිල දොළගේ 1991 ජුනි මස 15 වන දා අධිකාරි ලත් නිලධාරියෙකු ලෙස ශ්‍රී ලංකා ඉන්ජිනේරු බළකායට එක්ව තිබේ.
යුද්ධ හමුදාවේ වසර 35 ක සේවාකාලයක් සපුරා ඇති ඔහු සිය වෘත්තිය දිවිය තුල අණ, මාණ්ඩලික හා උපදේශන තනතුරු රැසක් හොබවා ලද අත්දැකීම් සහ දේශීය විදේශීය පාඨමාලා තුළින් ලද නිපුණත්වයෙන් හෙබි ජ්‍යෙෂ්ඨ නිලධාරියෙකි.
