පුද්ගලයින් 260ක් ජීවිතක්ෂයට පත්කරමින් පසුගියදා ඉන්දියාවේ අහමාබාද් ගුජරාට් ගුවන්තොටුපල ආසන්නයේ සිදුවූ එයාර් ඉන්දියා ගුවන් අනතුරේ මූලික පරීක්ෂණ වාර්තාව මේ වන විට නිකුත්වී ඇත.
අනතුරට පත් ගුවන් යානයේ කලු පෙට්ටියේ සඳහන්ව තිබූ ගුවන් නියමුවන් දෙදෙනොගේ හඩ පටිගත වීමක් මෙම මූලික පරීක්ෂණ වාර්තාවට පදනම් ඇති බව විදෙස් මාධ්‍ය අනාවරණය කරයි.
යානයේ ඉන්ධන සැපයීම විසන්ධි කලේ ඇයිදැයි යන්න මෙහිදී එක් ගුවන් නියමුවෙකු විමසා ඇති අතර අනෙක් ගුවන් නියමුවා එයට පිළිතුරු ලෙස පවසා ඇත්තේ තමන් විසින් ඉන්ධන සැපයීම විසන්ධි නොකල බවයි.
ප්‍රශ්නය අසන ගුවන් නියමුවා හා පිළිතුරු දෙන නියමුවා කවුරුන්ද යන්න හෙළිදරව්වී නොමැතිබව පවසන ජාත්‍යාන්තර මාධ්‍ය පවසන අයුරින් මෙම අනතුරට මූලික හේතුව වී ඇත්තේ ගුවන් යානයේ ඉන්ධන සැපයීමේ අවහිරතාවයක් හට ගැනීම බවද පෙන්වාදී ඇත.
