පපුවේ ඇතිවන හදිසි වේදනාවක් සමඟ රෝහල්ගතවන රෝගියෙකුට හෘදයාබාධයක් වැලඳී ඇතිද නැතිද යන්න හඳුනා ගන්නා ප්‍රාථමික පරික්ෂණය වන “ට්‍රොපනින්අයි” පරීක්ෂණය සම්පූර්ණයෙන්ම ඇනහිටීම හේතුවෙන් රෝගීන් බලවත් අපහසුතාවයට ලක්ව ඇති බව වාර්තා වේ.
පරීක්ෂණය සදහා අවශ්‍ය කට්ටල මිලයට ගැනීමට සෞඛ්‍ය අමාත්‍යාංශය කටයුතු නොකිරීම හේතුවෙන් අදාල පරීක්ෂණයන් සදහා රෝගීන් අසල පවතින පෞද්ගලික රෝහල්වෙත යොමුකිරීමට සිදුව ඇත්තේද සෞඛ්‍ය අමාත්‍යාංශයේ මුදලින් රෝහලේ බව විශ්වාස කටයුතු ආරංචිමාර්ග අනාවරණය කරයි. මෙකී පරීක්ෂණය සදහා පෞද්ගලික අංශය රුපියල් 8000 සිට 15000 දක්වා මුදල් අයකෙරේ.
හෘදයාබධයක් සෑදී පැමිණෙන රෝගීන් ජාතික රෝහලේ හෘද ප්‍රතිකාර ඒකකය වන වාට්ටු අංක 60 සහ 61 වටිටුවෙත යාමට ඇති විදුලි සෝපානයද ක්‍රියා විරහිත වීම හේතුවෙන් හෘද රෝගීන්ට පඩිපෙළ භාවිත කරමින් ප්‍රතිකාර සඳහා වෛද්‍ය වාට්ටුව වෙත යාම සිදුව තිබීම තවත් කණගාඩුදායක තත්වයකි. විදුලි සෝපානය පිලිසකර කර දෙන බලධාරීන්ට කොතෙක් පැවසූවද එයද කල්මරමින් සිටින බව අනාවරණය වෙයි.
ශල්‍ය උපකරණ හිගයද හෘද රෝගී ඒකකයේ දරුණුව ඇති අතර මේ හේතුවෙන් අත්‍යාවශ්‍ය ශල්‍යකර්ම පවා දින නියමයක් නොමැතිව කල් තැබීම මේ දිනවල සුලබ දසුනකි.
