මීතොටමුල්ල ප්‍රදේශයේ නිවසක් කොල්ල කෑම සම්බන්ධයෙන් චෝදනා ලැබ සිටින නදුන් චින්තක හෙවත් හරක් කටාගේ නඩුවට අදාල සාක්ෂි ලබා ගැනීම අද කොළඹ මහාධිකරණය හමුවේ ආරම්භ විය.
තංගල්ල පැරණි බන්ධනාගාරයේ රඳවා සිටින හරක් කටා නැමැති විත්තිකරු දැඩි ආරක්ෂක විධිවිධාන මැද අධිකරණයට ඉදිරිපත් කර තිබූ අතර නඩු විභාගය මහාධිකරණ විනිසුරු ලංකා ජයරත්න මෙනවිය ඉදිරියේ පැවැත්වෙන ලදි. නඩුවට අදාල මීළග සාක්ෂි විභාගය සදහා සැප්තැම්බර් මස 01 වනදා දින මෙහිදී නියම කෙරින.
