මේ වසරේ ගතවූ කාලසීමාව තුළ වනඅලි 225ක් මියගොස් ඇති බව පරිසරවේදී නයනක රන්වැල්ල ප්‍රකාශ කරයි. ඊයේ දිනයේත් උතුරු දුම්රිය මාර්ගයේ, ගල්ලෑල්ල දුම්රිය ස්ථානයට ආසන්නයේ සුදු නෙළුම්ගම ප්‍රදේශයේදී කොළඹ සිට මඩකලපුව බලා ධාවනය වූ මීනගයා සීඝ්‍රගාමි දුම්රියේ වන අලියෙකු ගැටීම හේතුවෙන් වන අලියෙකු ජීවිතක්ෂයට පත්විය.
එම සිදුවීම සම්බන්ධයෙන් දෙපාර්තමේන්තු මට්ටමින් පරීක්ෂණයක් සිදුකරන බව වනජීවි දෙපාර්තමේන්තුවේ අධ්‍යක්ෂ ජනරාල් රංජන් මාරසිංහ ප්‍රකාශ කරයි.
