පසුගිය සමයේ රට හැරගිය විශේෂඥ වෛද්‍යවරු සහ වෛද්‍යවරුන් යළි සේවයට පැමිණීම සඳහා අභියාචනා ඉදිරිපත් කළත් ඔවුන් සේවය හැරගියා සේ සලකා එම ඉල්ලීම් බැහැර කිරීමට සෞඛ්‍ය අමාත්‍යාංශය සහ රාජ්‍ය සේවා කොමිෂන් සභාව කටයුතු කර ඇතැයි වාර්තාවේ.
සෞඛ්‍ය අමාත්‍යාංශය මගින් සිදුකරන නිරීක්ෂණ කැඳවීම්වලදී යළි සේවය ඉල්ලා සිටි වෛදවරුන්ට දැනුම් දී ඇත්තේ, මේ වනවිට රට තුළ වෛද්‍යවරුන් සහ විශේෂඥ වෛදවරුන් අනුමත සංඛ්‍යාව ද ඉක්මවා සිටින බැවින් අදාළ අනුයුක්ත කිරීම සිදු කිරීමට රාජ්‍ය සේවා කොමිෂන් සභාවට දුෂ්කර වී ඇති බවයි.
මෙලෙස ආපසු සේවයට එක්වීමට ඉල්ලා සිටි විශේෂඥ වෛද්‍යවරු සංඛ්‍යාව 50ක් පමන වන බවද වාර්තා වේ.
