පසුගිය වසර 76ක කාලය තුළ කිසිදු ආණ්ඩුවකට ආර්ථිකය නැවතුනු රටක් බාර ගැනීමට සිදු නොවූ නිසා මාලිමා ආණ්ඩුවට රට රට හදන්න කාලයක් අවශ්‍ය බවත් විශ්ම කර්ම දිව්‍ය පුත්‍රයා මෙන් මවන්න බැරි බවත් නිවාස නියෝජ ඇමති ටී.බී. සරත් මහතා සඳහන් කරයි.
වැඩසටහනකට සහභාගි වීමෙන් අනතුරුව මාධ්‍ය වෙත අදහස් පළ කරමින් ඔහු මේ බව පැවසුවේය.
‘රට භාර ගත්තේ අපි ආර්ථිකය නැවතිච්ච රටක්. අවුරුදු 76ක්ම කිසිඳු ආණ්ඩුවක් ආර්ථිකය නැවතිලා බාර ගත්තේ නැහැ. හැබැයි රට හදන්න කාලේ දෙන්න. විස්ම කර්ම දිව්‍ය පූත්‍රයා මේක මවනවා වගේ මවන්න බැහැනේ රට. ඒවා නිකන් සුරංගනා කතානේ’
