රුසියාවෙන් තෙල් මිලදී ගන්නේ නම් ඉන්දියාවට සැලකිය යුතු තීරු බදු වැඩි කිරීමක් සිදුකරන බවට තර්ජනය කරමින් ඇමරිකානු ජනාධිපති ඩොනල්ඩ් ට්‍රම්ප් තම සමාජ මාධ්‍ය ඔස්සේ සටහනක් තබා ඇත. රුසියානු ප්‍රහාර හමුවේ යුක්‍රේන වැසියන් කොපමණ පිරිසක් මිය යන්නේද යන කරණාව පිළිබඳව ඉන්දියාවට තැකීමක් නොමැති බවද ඔහු තම පණිවිඩයේ වැඩිදුරටත් සඳහන් කර තිබේ. විදෙස් මාධ්‍ය සඳහන් කළේ ඉන්දියාව, රුසියාවෙන් තෙල් මිලදී ගන්නා ප්‍රධානම රටවල් අතරින් එකක් වන බවත්, 2022 වසරේ රුසියාව යුක්‍රේනය ආක්‍රමණය කිරීමත් සමඟ යුරෝපීය රටවල් කිහිපයක් රුසියාවෙන් තෙල් මිලදී ගැනීම කප්පාදු කර නිසා රුසියානු තෙල් අපනයන වෙළඳපලට දැඩි බලපෑමක් එල්ල කර ඇති බවයි.
