දේශබන්දු තෙන්නකෝන් මෙරට පොලිස් ඉතිහාසයේ සිටි “අපකීර්තිමත්ම නිලධාරියෙක්” ලෙස ආනන්ද විජේපාල පැවසීය.අද (5) දින පාර්ලිමේන්තුවේදී පැවති උණුසුම් විවාදයකදී, මහජන ආරක්ෂක අමාත්‍ය ආනන්ද විජේපාල මහතා, දේශබන්දු තෙන්නකෝන් පොලිස්පති ධුරයෙන් ඉවත් කිරීමේ යෝජනාවට පක්ෂව අදහස් දක්වමින් මේ බව පැවසීය .
අමාත්‍යවරයාගේ ප්‍රකාශය අනුව, තෙන්නකෝන් මහතා පොලිස්පති ධුරයට පත් කර ඇත්තේ ඔහුට එරෙහිව තිබූ නඩු කිසිදු සැලකිල්ලකින් තොරවය. ඔහුට එරෙහිව එල්ල වූ විෂමාචාර චෝදනා සම්බන්ධයෙන් පත් කළ කමිටුවක් විසින් ඉදිරිපත් කළ වාර්තාවට අනුව, චෝදනා 23න් 19කටම ඔහු වැරදිකරු වී ඇති බවද අමාත්‍යවරයා සඳහන් කළේය.
“මෙවැනි අපකීර්තිමත් නිලධාරියෙකු ඉවත් කිරීම සඳහා පවත්වන මෙම විවාදය ඉතිහාසගත වනු ඇත” යනුවෙන් ආනන්ද විජේපාල මහතා පැවසීය.
