ධීවර වරාය නීතිගත සංස්ථාවේ අත්‍යවශ්‍ය නඩත්තු සහ සංවර්ධන කටයුතු සඳහා වැලි කණින යන්ත්‍රයක් (ඩ්‍රෙජරයක්) මිලදී ගැනීමට කැබිනට් මණ්ඩලයේ අනුමැතිය ලැබී ඇත.
මෙම තීරණය ගෙන ඇත්තේ පිරිවැය-ප්‍රතිලාභ විශ්ලේෂණයක් සිදු කිරීමෙන් පසුවය. සංස්ථාවට වාර්ෂිකව වැලි ඝන මීටර් 183,000ක් පමණ කැණීම් කිරීමට අවශ්‍ය වන අතර, මේ සඳහා පෞද්ගලික අංශයේ සේවා ලබා ගැනීමට රුපියල් මිලියන 500ක පමණ මුදලක් වැයවේ. නව ඩ්‍රෙජරයක් මිලදී ගැනීම දිගුකාලීනව ආර්ථික වශයෙන් වඩා ඵලදායී බව මෙහිදී තහවුරු විය.
එමෙන්ම, මෙම ඩ්‍රෙජරය ධීවර, ජලජ සහ සාගර සම්පත් අමාත්‍යාංශය යටතේ ක්‍රියාත්මක වන කලපු සංරක්ෂණ හා කළමනාකරණ වැඩසටහන් සඳහා ද යොදා ගැනීමට හැකියාව පවතී. ඒ අනුව, ආරුගම්බේ, නන්දිකඩාල්, නයාරු සහ ලංකා පටුන වැනි කලපු වල කැණීම් කටයුතු සඳහා ද මෙම යන්ත්‍රය භාවිතා කිරීමට සැලසුම් කර ඇත.
ධීවර, ජලජ සහ සාගර සම්පත් අමාත්‍යවරයා විසින් ඉදිරිපත් කරන ලද මෙම යෝජනාව අමාත්‍ය මණ්ඩලය විසින් අනුමත කර තිබේ.
