ජනාධිපති අරමුදලෙහි මුදල් මැති ඇමැතිවරුන් විසින් ප්‍රයෝජනයට ගෙන එහි මුදල් අවභාවිත කිරීමක් සම්බන්ධයෙන් නැවත වරක් පාර්ලිමේන්තුවේදී තොරතුරු හෙළිදරව් විය.
නාගරික සංවර්ධන, ඉදිකිරීම් සහ නිවාස ඇමැති අනුර කරුණාතිලක මහතා ප්‍රකාශ කළේ මැති ඇමැතිවරුන්ගේ දූ දරුවන්ට, ඥාතීන්ට සහ හිතවතුන්ට විදේශ අධ්‍යාපනය වෙනුවෙන් මුදල් ලබා දී ඇති බවයි.
එහිදී 2005 සිට 2014 දක්වා එම අරමුදලින් විදේශ ශිෂ්‍යත්ව සඳහා මුදල් ලබා දුන් නාමලේඛනයක් ඇමැතිවරයා විසින් සභාගත කරනු ලැබූ අතර එම ලේඛණයේ 2005දී ගම්පහ දිස්ත්‍රික් හිටපු මන්ත්‍රී සරත්චන්ද්‍ර රාජකරුණා මහතාගේ පුතකු වන හර්ෂණ සුපුන් රාජකරුණා වත්මන් පාර්ලිමේන්තු මන්ත්‍රී, 2006 දී කරුණාසේන කොඩිතුවක්කු මහතා විසින් අයි.එන්. කොඩිතුවක්කු,දිනේෂ් දොඩංගොඩ,කේ.කේ. පරණවිතාන සහ තවත් පුද්ගලයින් රාශියකගේ නම් ඇතුලත්ව ඇත.
