ශ්‍රී ලංකාවේ 111 වන ජාතික ටෙනිස් ශූරතාවලිය අගෝස්තු 08 වන දා කොළඹ ශ්‍රී ලංකා ටෙනිස් සංගමයේ දී ආරම්භ වීමට නියමිත ය. වාර්තාගත ලෙස ක්‍රීඩකයන් 1200ක් වයස් කාණ්ඩ 22ක් යටතේ තරග වදින අතර පිරිමි, කාන්තා, යුගල සහ මිශ්‍ර යුගල ඉසව් මෙයට අයත් ය. මෙවර තරගාවලිය සදහා රෝද පුටු ටෙනිස් අංශයක් ද එක් වීම මෙහි විශේෂත්වය වන අතර සියලු වයස් කාණ්ඩ සඳහා ජාත්‍යන්තර ශ්‍රේණිගත ක්‍රමය භාවිත කෙරේ. තරගාවලිය අගෝස්තු 18 දක්වා පැවැත්වීමට තීරණය කර තිබේ.
