බොරැල්ල සහස්පුර ක්‍රීඩාංගණයේදී පසුගියදා සිදු වූ වෙඩි තැබීමේ සිද්ධියට සම්බන්ධ එක් සැකකරුවෙකු බොරැල්ල පොලීසිය විසින් අත්අඩංගුවට ගෙන ඇත.
අද (09) පෙරවරුවේ අත්අඩංගුවට ගත් මෙම සැකකරු, බොරැල්ල ප්‍රදේශයේම පදිංචි 23 හැවිරිදි තරුණයෙකි.
මීට පෙර, යතුරුපැදියකින් පැමිණි පුද්ගලයන් දෙදෙනෙකු ක්‍රීඩාංගණයක සැරසිලි කරමින් සිටි තරුණයින් පිරිසකට වෙඩි තබා පලා ගොස් තිබුණි. මෙම සිද්ධියෙන් තරුණයින් පස් දෙනෙකු තුවාල ලබා රෝහල් ගත කළ අතර, 28 හැවිරිදි කැලණිය ප්‍රදේශයේ පදිංචිකරුවෙකු ජීවිතක්ෂයට පත් විය.
තුවාල ලැබූ තවත් තිදෙනෙකු මේ වන විටත් කොළඹ ජාතික රෝහලේ ප්‍රතිකාර ලබන බව වාර්තා වේ.
අත්අඩංගුවට ගත් සැකකරු අධිකරණයට ඉදිරිපත් කිරීමට නියමිත අතර, සිද්ධිය සම්බන්ධයෙන් වැඩිදුර විමර්ශන කටයුතු කොළඹ අපරාධ කොට්ඨාසය විසින් සිදු කරනු ලබයි.
