යුක්‍රේනයේ ජනාධිපති වොලොදිමීර් සෙලෙන්ස්කි ප්‍රකාශ කළේ, සටන් විරාමයක් සඳහා ඩොන්බාස් ප්‍රදේශය අත්හැරීමට රුසියාව ඉදිරිපත් කළ යෝජනාව කිව් පාර්ශ්වය ප්‍රතික්ෂේප කර ඇති බවයි.
විදෙස් වාර්තා අනුව, සාම ගිවිසුමකට එළැඹෙන ක්‍රියාවලියේදී භූමි සම්බන්ධ එකඟතාවකට යා හැකි බව ඇමරිකානු ජනාධිපති ඩොනල්ඩ් ට්‍රම්ප් සඳහන් කර තිබේ.
කෙසේ වෙතත්, රුසියානු ජනාධිපතිවරයා විසින් කිව් පාලනය යටතේ පවතින ඩොන්බාස් හි කොටස් යටත් කළ යුතු බව ඉල්ලීමක් කර ඇති බව වාර්තා වේ. සෙලෙන්ස්කි එම ඉල්ලීම ප්‍රතික්ෂේප කරමින්, රුසියානු හමුදාව මේ වන විටත් යුක්‍රේනයට එරෙහිව අඛණ්ඩ ප්‍රහාර දියත් කරමින් සිටින බව චෝදනා කළේය.
ලුහාන්ස්ක් සහ ඩොනෙට්ස්ක් ප්‍රදේශවලින් සැදුම්ලත් ඩොන්බාස් හි කොටසක් දැනටමත් රුසියානු පාලනය යටතේ ඇති අතර, රුසියාව ලුහාන්ස්ක් පූර්ණයෙන්ම සහ ඩොනෙට්ස්ක් ප්‍රදේශ වලින් ආසන්න වශයෙන් 70%ක් අල්ලාගෙන ඇති බව වාර්තා සඳහන් කරයි.
මේ අතර, යුරෝපා සංගම් නායකයින් ද ප්‍රකාශ කර ඇත්තේ, යුක්‍රේනයේ දේශසීමා බලහත්කාරයෙන් වෙනස් නොකළ යුතු බවයි.
