”කණ්ඩලමේ හැඩකාරයා” නමින් හැඳින්වුණු වන අලියා ඊයේ (අගෝස්තු 13) පස්වරුවේ මියගොස් තිබේ.
ඉදිරි පාදයකට එල්ල වූ වෙඩි ප්‍රහාරයකින් තුවාල ලබා, කණ්ඩලම වැව් තාවුල්ලේ ප්‍රතිකාර ලබමින් සිටි මෙම වන අලියා පසුගිය දිනවල අසාධ්‍ය තත්වයේ පසුවිය.
කණ්ඩලමේ හැඩකාරයා යනු වයස අවුරුදු 25 – 30 අතර පසුවූ දැවැන්තයෙකි. මෙම වන අලියා මීට පෙර ද වෙඩි ප්‍රහාරයකට ලක්ව ප්‍රතිකාර ලබා සුවවී වනයට මුදාහැර සිටියදී මෙසේ නැවතත් වෙඩි ප්‍රහාරයකට ලක්ව තිබිණි.
පසුගිය මාස කිහිපය තුළ අලි – මිනිස් ගැටුමේ ප්‍රතිඵලයක් වශයෙන් සිදුවූ වන අලි මරණ ගණනාවක්ම මාධ්‍ය ඔස්සේ වාර්තා වී තිබිණි.
