විදේශ මාධ්‍ය වාර්තා අනුව, ව්‍යාජ “ලබුබු” බෝනික්කන්ගෙන් කුඩා දරුවන්ට හුස්ම හිරවීමේ බරපතළ අවදානමක් ඇති කළ හැකි බව අනතුරු අඟවා තිබේ. මෙම බෝනික්කන් විකිණීම සම්බන්ධ වෙළඳුන්ට එරෙහිව කටයුතු කිරීම සඳහා වෙළඳ ප්‍රමිති ආයතන දැනටමත් සක්‍රීය වී ඇති අතර, අවශ්‍ය මට්ටමින් පරීක්ෂා කර අත්අඩංගුවට ගැනීමේ මෙහෙයුම් ද සිදු කර තිබේ.
වෙළඳ ප්‍රමිති නිලධාරීන් සඳහන් කළේ, චීනයේ නිෂ්පාදිත ජනප්‍රිය සෙල්ලම් බඩු වෙළඳපොළේ ඉහළ ඉල්ලුම හේතුවෙන් ව්‍යාජ නිෂ්පාදකයින් මේවා අනුපිටපත් කිරීමට වහාම යොමු වන බවය. ව්‍යාජ බෝනික්කන් තුළ ඇති කුඩා කොටස් හා අහිතකර ලොම් නිසා, දරුවන්ට හුස්ම හිරවීමේ අවදානම වැඩි වන බවද ඔවුන් අවධාරණය කරයි. නිලධාරීන් තවදුරටත් සොයාගෙන ඇත්තේ, මෙම ව්‍යාජ බෝනික්කන් සෑම විටම සාමාන්‍ය මිලට වඩා අඩුවෙන් අලෙවි වීමත්, නිවැරදි QR කේත නොමැති වීමත් යන ලක්ෂණ තිබෙන බවයි.
ගිය සතියේදී ලද තොරතුරු මත, දේශීය වෙළඳුන්ගෙන් බෝනික්කන් 100 ක් පමණ පොලිසිය භාරයට ගෙන තිබෙන අතර, මහජන අවධානය වැඩි වන තරමට, මෙවැනි අත්අඩංගුවට ගැනීම් තවත් ඉහළ යාම වැඩි විය හැකි බව විදෙස් මාධ්‍ය ප්‍රකාශ කරයි.
දෙමාපියන් මෙන්ම දරුවන් රැකබලා ගනු ලබන්නන් මෙම බෝනික්කන් මිලදී ගැනීමේදී වගකිව යුතු තැන්වලින් පමණක් ලබාගන්නා ලෙසට කොවෙන්ට්‍රි නගර සභාවේ නියෝජ්‍ය නායක අබ්දුල් සලාම් ඛාන් ප්‍රකාශ කර තිබේ.
