කැනඩාවේ වෑන්කූවර් නගරයේදි පැවැති 15 වැනි ලෝක Health We-Grow ශූරතාවලියේදී ශ්‍රී ලංකාව විශිෂ්ටත්වයන් දක්වා තිබේ. රටවල් 21ක් සහ ක්‍රීඩකයින් 338ක් එක්වූ මෙම ජාත්‍යන්තර වේදිකාවේදී, ශ්‍රී ලාංකීය කණ්ඩායම ජයග්‍රහණ 11ක් හිමිකර ගනිමින් අභිමානවත් පදක්කම් රැසක් හිමි කර ගැනීමට හැකි විය.
කණ්ඩායම් නායක අයි.පී. ඒරංග වීරසිංහ රිදී පදක්කමක් හා ලෝකඩ පදක්කමක් දිනා ගත් අතර, මහේෂ් පතිරණ රිදී 2ක් සහ ලෝකඩ 2ක් දිනීය. නදීකා ඒකනායක, නෙතුල නන්විඳු, රිත්නි ඒරත්මා, සහ වියානා පතිරණ යන ක්‍රීඩිකාවන් තනි තරඟවලදී ලෝකඩ පදක්කම් ලබා ගනිමින් ශ්‍රී ලංකාවේ නාමය ජාත්‍යන්තර වේදිකාවේ දිදුලන්නට ඔවුන් සමත් විය.
එයට අමතරව, කණ්ඩායම් තරඟවලද ශ්‍රී ලංකා කණ්ඩායම සිය සාර්ථකත්වය පෙන්වා දෙමින් දෙවැනි ස්ථානය ලබා රිදී සම්මානයෙන් පිදුම් ලැබීය.
