ආණ්ඩුක්‍රම ව්‍යවස්ථාවේ සිංහල මුද්‍රණයේ 83 වන ව්‍යවස්ථාවේ (ආ) ජේදයට ගැළපෙන ලෙස ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (6) ජේදයට නිවැරදි කරන ලෙස නීතිඥවරුන් සහ පුරවැසියන් පිරිසක් ඊයේ (14දා) ජනාධිපති අනුරකුමාර දිසානායක මහතාගෙන් ඉල්ලීමක් කර ඇත.
සිංහල ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (ආ) ජේදයට ගැළපෙන ලෙස ඉංග්‍රීසි ආණ්ඩුක්‍රම ව්‍යවස්ථාවේ (6) ජේදයේ අර්ථ දැක්වීම වෙනස් බවත් එම නිසා කථානායකවරයා ද පිළිගන්නා සිංහල ආණ්ඩුක්‍රම ව්‍යවස්ථාවට අනුව ඉංග්‍රීසි ව්‍යවස්ථාවේ ඡේදය සංශෝධනය කරන ලෙසත් ඉල්ලා ජනාධිපති කාර්යාලයට ඊයේ ගොස් මහජන සම්බන්ධතා අංශයට ලිපියක් භාරදී ඇත.
ජනාධිපතිවරයාට භාරදුන් ලිපිය නීතිඥවරුන් 209ක් සහ නීතිඥවරුන් නොවන පුරවැසියන් 104ක් අත්සන් කර තිබේ.
