පාර්ලිමේන්තු මන්ත්‍රී නාමල් රාජපක්ෂ මහතා විසින් රජයේ ඉදිරිපෙළ දේශපාලනඥයන්ට එරෙහි නඩු විභාග කරන විනිසුරුවන් ස්ථාන මාරු කර ඇති බවට බරපතල චෝදනාවක් පාර්ලිමේන්තුවේදී එල්ල කර ඇත.
මේ පිළිබඳව මුළු රටම දැනුවත් බවත්, අධිකරණ පද්ධතියේ ස්වාධීනත්වය ආරක්ෂා කිරීමට බලධාරීන් වගබලා ගත යුතු බවත් ඔහු අවධාරණය කළේය. අධිකරණයේ ස්වාධීනත්වය නොමැති නම් රටට ආයෝජකයින් නොපැමිණෙන බවත්, රාජ්‍ය ආදායම වැඩි වුවත් මහජනතාවට එහි ප්‍රතිලාභ නොලැබෙන බවත් ඔහු පෙන්වා දුන්නේය.
එමෙන්ම, පොලීසිය සහ හමුදාව වත්මන් රජය විසින් දේශපාලනීකරණය කර ඇති බවටද මන්ත්‍රීවරයා චෝදනා කළේය.
සංචාරකයන්ට ගුවන්තොටුපොළේදීම රියදුරු බලපත්‍ර ලබාදීම හේතුවෙන් මෙරට සංචාරක ක්ෂේත්‍රයේ රියදුරන්ට රැකියා අහිමි වී ඇති බවද නාමල් රාජපක්ෂ මහතා වැඩිදුරටත් පැවසීය.
