කිරින්ද ධීවර වරායේ වැලි කැණීම් ව්‍යාපෘතියක් හරහා රජයට රුපියල් කෝටි දෙකකට අධික පාඩුවක් සිදු කළ බවට චෝදනා ලැබ සිටින හිටපු අමාත්‍ය රාජිත සේනාරත්න මහතාට කොළඹ මහේස්ත්‍රාත් අධිකරණය අද (අගෝස්තු 20) නොතීසි නිකුත් කළේය.
ඔහු අත්අඩංගුවට ගැනීම සඳහා වරෙන්තු නිකුත් කර තිබූ අතර, මෙම සිද්ධිය සම්බන්ධයෙන් අගෝස්තු 29 වැනිදා අධිකරණය හමුවේ පෙනී සිටින ලෙසට මෙම නොතීසිය මගින් නියෝග කර ඇත.
අල්ලස් කොමිසම විසින් සිදු කරන ලද ඉල්ලීමක් සලකා බැලීමෙන් පසු කොළඹ ප්‍රධාන මහේස්ත්‍රාත් තනූජා ලක්මාලි මහත්මිය විසින් මෙම නියෝගය ලබා දී තිබේ.
