බොලිවුඩ් නළු ශාරුක් ඛාන් තම දරුවන්ගේ වෘත්තීය තේරීම් පිළිබඳව විදෙස් මාධ්‍යයට අදහස් දක්වා තිබෙනවා.
ඔහු සඳහන් කළේ, වැඩිමහල් පුත් ආර්යන් ඛාන් රංගනයට කිසිදු උනන්දුවක් නොමැති අතර, අධ්‍යක්ෂකවරයෙකු හෝ ලේඛකයෙකු ලෙස තම වෘත්තිය ගොඩනගා ගැනීමට අවධානය යොමු කර ඇති බවයි. මේ වන විට ආර්යන් අධ්‍යක්ෂණය කළ “Bad’s Of Bollywood” චිත්‍රපටය නිකුත් කිරීමට සූදානම් වෙමින් සිටී.
“මගේ පුතාට රඟපාන්න කැමති නැහැ, ඔහුට චිත්‍රපට නිර්මාණය කරන එකයි කැමති. ඔහු ලියනවා, හොඳින්ම ලියනවා. ඒ නිසා ඔහු අධ්‍යක්ෂකයෙක් හෝ ලේඛකයෙක් වීමට ඉගෙන ගනිමින් ඉන්නවා” යැයි ෂාරුක් ඛාන් පැවසීය.
ඉදිරියටත් තම පුතාගේ සිහින සැබෑ කර ගැනීමට ආධාර කිරීමට සූදානම් බවත්, අවශ්‍ය වුවහොත් ඔහුගේ චිත්‍රපට සඳහා රංගනයෙන් දායක වීමට තමන් සූදානම් බවත් ෂාරුක් කියා සිටියේය.
මේ අතර, ඔහුගේ දියණිය සුහානා ඛාන් ද මේ වනවිට රංගනයට පිවිස ඇති බව ද විදෙස් මාධ්‍ය වාර්තා කරනවා.
