ඉල්ලීම් කිහිපයක් මුල් කරගනිමින් රජයේ වෛද්‍ය නිලධාරීන්ගේ සංගමය (GMOA) එළැඹෙන සඳුදා (අගෝස්තු 25) දීප ව්‍යාප්ත වෛද්‍ය වැඩ වර්ජනයක් ආරම්භ කිරීමට තීරණය කර තිබේ.
අද (අගෝස්තු 23) පැවැති මාධ්‍ය හමුවකදී අදහස් දක්වමින් GMOA සංගමය කියා සිටියේ, මෙම වැඩ වර්ජනය සඳුදා උදෑසන 8.00ට ආරම්භ කරන බවයි. වෛද්‍ය ස්ථාන මාරු ක්‍රියාවලිය ඇතුළු ඉල්ලීම් කිහිපයක් මුල් කරගනිමින් මෙම වැඩ වර්ජනය ක්‍රියාත්මක වන බවද ඔවුන් වැඩිදුරටත් සඳහන් කළේය.
මෙම වර්ජනය හේතුවෙන් දිවයින පුරා රජයේ රෝහල්වල සාමාන්‍ය සේවා කටයුතුවලට බාධා එල්ල වීමට ඉඩ ඇත. රජය සහ වෛද්‍ය සංගමය අතර සාකච්ඡා මේ වන විට ආරම්භ වී ඇත්දැයි යන්න පිළිබඳව තවමත් නිල වශයෙන් තහවුරු වී නොමැත.
