ශ්‍රී ලංකාවේ අභිනව පොලිස්පති, නීතිඥ ප්‍රියන්ත වීරසූරිය මහතා ඊයේ (22) පස්වරුවේ අග්‍රාමාත්‍ය කාර්යාලයේදී ගරු අග්‍රාමාත්‍ය ආචාර්ය හරිනි අමරසූරිය මහත්මිය සහ අග්‍රාමාත්‍ය ලේකම් ජී.පී. සපුතන්ත්‍රි මහතා හමුවිය.
මෙම හමුවේදී අග්‍රාමාත්‍යතුමිය සහ අග්‍රාමාත්‍ය ලේකම්වරයා, පොලිස්පතිවරයා වෙත සිය සුබ පැතුම් පිරිනැමූහ. මෙහිදී, අභිනව පොලිස්පතිවරයා අග්‍රාමාත්‍යතුමියට මෙම හමුව සිහිගන්වන සමරු තිළිණයක් ද පිළිගැන්වීය.
පොලිස්පතිවරයා ලෙස සිය නව ධුරය භාරගැනීමෙන් පසු ප්‍රියන්ත වීරසූරිය මහතා සිදු කළ ප්‍රථම නිල හමුවීම්වලින් එකක් ලෙස මෙය සැලකේ.
