අත්අඩංගුවට පත් වූ කෙහෙල්බද්දර පද්මේ, කමාන්ඩෝ සලින්ත, පානදුරේ නිලංග, බැකෝ සමන් සහ තැඹිලි ළහිරු යන අන්වර්ථ නාමවලින් හඳුන්වා ගන්නා අපරාධ කල්ලි සාමාජිකයන් ශ්‍රී ලංකාවට ගෙන්වා ගැනීම සඳහා ඉන්දුනීසියානු බලධාරීන් සමඟ සාකච්ඡා කරමින් සිටින බව මහජන ආරක්ෂක අමාත්‍ය ආනන්ද විජේපාල පවසයි.
ඒ අනුව, ඔවුන් කඩිනමින් ශ්‍රී ලංකාවට ගෙන්වා, නීතිය ක්‍රියාත්මක කිරීමට පියවර ගන්නා බව මේ වන විට පැවැත්වෙන මාධ්‍ය හමුවකට එක් වෙමින් මහජන ආරක්ෂක අමාත්‍ය ආනන්ද විජේපාල ප්‍රකාශ කරයි.
මෙම පිරිස අත්අඩංගුවට ගැනීම සඳහා දින 07 ක පමණ මෙහෙයුමක් සිදු කළ බව අමාත්‍යවරයා වැඩිදුරටත් ප්‍රකාශ කර සිටියේය.
