හෙරොයින් කිලෝග්‍රෑම් 3යි ග්‍රෑම් 990ක් සමඟ කාන්තාවක් මාලිගාවත්ත ප්‍රදේශයේදී අත්අඩංගුවට ගැනීමෙන් පසු ඇයගෙන් ලද තොරතුරු මත තවත් කාන්තාවක් හෙරොයින් ග්‍රෑම් 106ක් සමඟ ග්‍රෑන්ඩ්පාස් ප්‍රදේශයේදී අත්අඩංගුවට ගැනීමට කොළඹ මධ්‍යම කොට්ඨාස අපරාධ විමර්ශන කාර්යාංශය සමත් වී තිබේ.
පළමුවෙන් අත්අඩංගුවට ගත් කාන්තාව අගෝස්තු 26 වැනි දින මාලිගාවත්ත පොලිස් වසමේදී හෙරොයින් කිලෝග්‍රෑම් 3.99ක් සමඟ අත්අඩංගුවට ගෙන මාලිගාවත්ත පොලීසියට භාර දී ඇත.
ඇයගෙන් කරන ලද ප්‍රශ්න කිරීම්වලදී අනාවරණය වූ තොරතුරු අනුව, පසුදින (අගෝස්තු 27) ග්‍රෑන්ඩ්පාස් පොලිස් වසමේදී තවත් 51 හැවිරිදි කාන්තාවක් හෙරොයින් ග්‍රෑම් 106ක් සමඟ අත්අඩංගුවට ගෙන තිබේ.
අත්අඩංගුවට ගත් සැකකාරියන් දෙදෙනා ගරු මාලිගාකන්ද අධිකරණයට ඉදිරිපත් කිරීමෙන් පසු, වැඩිදුර විමර්ශන සඳහා සැප්තැම්බර් 02 වැනිදා දක්වා ඔවුන් රඳවාගෙන ප්‍රශ්න කිරීමට අවසර ලබාගෙන ඇති අතර, ඔවුන් කොම්පඤ්ඤවීදිය පොලිස් ස්ථානයට භාර දී තිබේ.
