අද (අගෝස්තු 29) උදෑසන කිලිනොච්චිය, පරන්තන් හන්දිය ආසන්නයේ A9 මාර්ගයේදී සිදුවූ රිය අනතුරකින් එක් අයෙකු ජීවිතක්ෂයට පත්ව තවත් අයෙකු බරපතළ තුවාල ලබා තිබේ.
පොලිස් වාර්තාවලට අනුව, මාර්ගයේ නවතා තිබූ ලංගම බස් රථයක පිටුපස ටිපර් රථයක් ගැටී ඇති අතර, ඒ සමඟම ටිපර් රථයේ පිටුපසින් පැමිණි යතුරුපැදියක් ද එහි ගැටී ඇත. අනතුරින් යතුරුපැදියේ ගමන් කළ එක් පුද්ගලයෙකු එම ස්ථානයේදීම මියගොස් ඇති අතර, අනෙක් පුද්ගලයා බරපතළ තුවාල ලබා රෝහල් ගත කර ඇත.
පොලිසිය මෙම අනතුර සම්බන්ධයෙන් වැඩිදුර විමර්ශන සිදු කරයි.
