එක්සත් ජාතික පක්ෂයේ මහ ලේකම් තලතා අතුකෝරල සුවිශේෂී බල අධිකාරියක් පිහිටුවා ගෙන ඇති බව අභ්‍යන්තර තොරතුරුවලින් වාර්තා වේ.
එම වාර්තාවලින් හෙළි වන්නේ රවී කරුණානායක පවා මේ වනවිට තලතා අතුකෝරල සමඟ බරපතළ ගැටුමක් ඇති කර ගෙන ඇති බවයි. රනිල් වික්‍රමසිංහ හැර වෙනත් කිසිදු පක්ෂ නායකයෙකු සමඟ සහයෝගයෙන් කටයුතු නොකරන ලේකම්වරිය විවිධ නියෝග නිකුත් කරමින් සිටින බව වාර්තා වේ.
එම නියෝග අතරින් ප්‍රබල ම නියෝගයක් වී තිබෙන්නේ රූපවාහිනී දේශපාලන සංවාදවලට යාම පිළිබඳව සහ මාධ්‍ය හමුවේ අදහස් ප්‍රකාශ කිරීමට තලතා අතුකෝරලගේ අනුමැතිය ලබා ගත යුතු බවට නියෝග කර තිබීමයි. මේ නිසා රූපවාහිනී දේශපාලන සංවාදවලට එක් වීම බොහෝ දෙනෙකු ප්‍රතික්ෂේප කර ඇතැයි වාර්තා වේ.
