බන්ධනාගාර දෙපාර්තමේන්තුවේ පවතින නිලධාරීන්ගේ හිඟය පියවීමට පියවර ගනිමින්, නව නිලධාරීන් 585 දෙනෙකු බඳවා ගැනීමට රජයේ අනුමැතිය ලැබී ඇත. බන්ධනාගාර කොමසාරිස් (මාධ්‍ය ප්‍රකාශක) ජගත් වීරසිංහ මහතා මේ බව ප්‍රකාශ කළේය. මේ සම්බන්ධයෙන් වන ගැසට් නිවේදනය 2025 අගෝස්තු 29 වන දින ප්‍රකාශයට පත් කරන ලදී.
නව බඳවා ගැනීම් යටතේ පුරප්පාඩු වන තනතුරු වන්නේ බන්ධනාගාර නියාමක (පිරිමි) 409ක්, බන්ධනාගාර නියාමක (කාන්තා) 70ක්, බන්ධනාගාර II පෙළ ජේලර් (පිරිමි) 55ක්, බන්ධනාගාර II පෙළ ජේලර් (කාන්තා) 07ක්, බන්ධනාගාර II පෙළ පුනරුත්ථාපන නිලධාරී (පිරිමි) 10ක් සහ බන්ධනාගාර II පෙළ පුනරුත්ථාපන නිලධාරී (කාන්තා) 03ක් ලෙසයි.
