පාතාල කල්ලි නායකයෙකු වන ‘බැකෝ සමන්’ නමැත්තාගේ බිරිඳ වන ෂාධිකා ලක්ෂානි නමැති කාන්තාව මුදල් විශුද්ධිකරණය වැළැක්වීමේ පනත යටතේ ලබන සැප්තැම්බර් 18 වැනිදා දක්වා රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (සැප්තැම්බර් 04) නියෝග කළේය.
අපරාධ පරීක්ෂණ දෙපාර්තමේන්තුව විසින් ඇය කොළඹ ප්‍රධාන මහේස්ත්‍රාත් අසංක එස්. බෝදරගම මහතා හමුවට ඉදිරිපත් කිරීමෙන් පසුව මෙම නියෝගය ලබා දී තිබේ.
