තුසිත හල්ලොලු‍ව සම්බන්ධ වෙඩි තැබීම හා පහරදීමේ සිද්ධියට සහාය දුන්නා යන චෝදනාවන් මත දොඩම්ගොඩ මහතා අත්අඩංගුවට ගැනීම වළක්වාමින්, කොළඹ අපරාධ කොට්ඨාසය වෙත 14 දිනක වාරණ නියෝගයක් නිකුත් කර ඇත්තේ විනිසුරු රොහන්ත අබේසූරිය සහ විනිසුරු ප්‍රියන්ත කේ. ප්‍රනාන්දු යුගලයයි.
පෙත්සමේදී දොඩම්ගොඩ මහතා අවධාරණය කළේ තම ජංගම දුරකථනය පරීක්ෂා කරත්, තමන්ට එරෙහිව කිසිදු තොරතුරක් හෝ සාක්ෂියක් හමු වී නැති බවය. නීතිඥවරයෙකු ලෙස තම රාජකාරි ඉටු කිරීමේදී තුසිත හල්ලොලු‍ව වෘත්තීය සේවාවන් පමණක් ලබා දී ඇති බවද ඔහු එම පෙත්සම මගින් තවදුරටත් අධිකරණයට පෙන්වා දී තිබේ.
