හිටපු අමාත්‍ය උදය ගම්මන්පිල මහතා ඉල්ලා සිටින්නේ, හිටපු නාවික හමුදාපති නිශාන්ත උළුගෙතැන්න අත්අඩංගුවට ගැනීම පිළිබඳව මාධ්‍යයට කළ තම ප්‍රකාශය හේතුවෙන් තමන්ව අත්අඩංගුවට ගැනීම වළක්වාලන අතුරු නියෝගයක් නිකුත් කිරීමටය.
ඔහු අධිකරණයට පැවසූයේ, හිටපු එල්ටීටීඊ නායකයෙකුගේ ප්‍රකාශයක් මත හිටපු නාවික හමුදාපතිවරයා අත්අඩංගුවට ගත් බව තමන් මාධ්‍ය හරහා ප්‍රකාශ කළේ ජනවර්ග අසමගියක් ඇති කිරීමේ අරමුණක් නොවූ බවය. එහෙත්, එම ප්‍රකාශය හේතුවෙන් තමන් ඕනෑම වේලාවක අත්අඩංගුවට ගන්නා අවදානමක් තිබෙන බවද ඔහු අවධාරණය කර තිබේ.
හිටපු අමාත්‍ය උදය ගම්මන්පිල ගොනු කර ඇති මෙම පෙත්සමේ වගඋත්තරකරුවන් වශයෙන් ආරක්ෂක අමාත්‍යවරයා ඇතුළු පිරිසන් නම් කර තිබේ.
