පොලිස් ස්ථානාධිපතිවරුන් 33 දෙනෙකුට වහාම ක්‍රියාත්මක වන පරිදි ස්ථාන මාරු ලබා දී තිබේ.
මෙම ස්ථාන මාරු කිරීම්, ජාතික පොලිස් කොමිෂන් සභාවේ අනුමැතියට යටත්ව පොලිස්පති නීතිඥ ප්‍රියන්ත වීරසිංහ මහතාගේ උපදෙස් මත සිදු කර ඇත.
මේ අතර, කොස්ලන්ද, මතුරට, හික්කඩුව, කැප්පෙටිපොල, ත්‍රිකුණාමලය, පිළියන්දල, පොලොන්නරුව, වන් කාලෙයි සහ වව්නියාව යන පොලිස් ස්ථානවල ස්ථානාධිපති තනතුරු දැරූ ප්‍රධාන පොලිස් පරීක්ෂකවරුන් නව දෙනෙකු සහ කඩුවෙල පොලිස් ස්ථානයේ ස්ථානාධිපති තනතුර දැරූ පොලිස් පරීක්ෂකවරයෙකු සාමාන්‍ය රාජකාරි සඳහා යොදවා ඇත.
මෙම මාරු කිරීම් පොලිසියේ පරිපාලන කටයුතු වඩාත් කාර්යක්ෂම කිරීමේ අරමුණින් සිදු කර ඇති බව පොලිස් මූලස්ථානය පවසයි.
