ශ්‍රී ලංකා පොලීසිය විසින් ජ්‍යෙෂ්ඨත්වය පදනම් කරගෙන පොලිස් පරීක්ෂකවරුන් 115 දෙනෙකු ප්‍රධාන පොලිස් පරීක්ෂක තනතුරු සඳහා උසස් කර තිබේ. මෙම උසස් කිරීම්, 2021 සහ 2022 වසර සඳහා නිර්දේශ වූ නිලධාරීන් වෙනුවෙන් සිදු කර ඇත.
2021 ජනවාරි 01 වැනිදා සිට ක්‍රියාත්මක වන පරිදි උසස්වීම් සඳහා නිර්දේශ වූ නිලධාරීන් 8 දෙනෙකුගෙන්, 6 දෙනෙකු විනය පරීක්ෂණ හේතුවෙන් පොරොත්තු ලේඛනගත කර තිබේ. ඉතිරි දෙදෙනා වන විශ්‍රාමික පොලිස් පරීක්ෂක යූ.පී.එන්.ජී.බී. නෙළුම්දෙණිය සහ පොලිස් පරීක්ෂක පී.කේ.ඒ.ඒ.කේ. කොඩිතුවක්කු යන මහත්වරුන්ගේ උසස්වීම් අදාළ දිනයේ සිට ක්‍රියාත්මක වේ. විනය පරීක්ෂණ අවසන් වූ පසු අනෙක් නිලධාරීන් පිළිබඳව තීරණ ගනු ඇත.
2022 ජනවාරි 01 වැනිදා සිට උසස්වීම් සඳහා නිර්දේශ වූ පොලිස් පරීක්ෂකවරුන් 107 දෙනාගෙන් 21 දෙනෙකු විනය කටයුතු හේතුවෙන් පොරොත්තු ලේඛනයේ සිටී. විශ්‍රාමික සහ මියගිය නිලධාරීන් කිහිපදෙනෙකු ද මෙම උසස් කිරීම් අතර වේ.
මෙලෙස උසස්වීම් ලැබූ නිලධාරීන්ගේ නම් ලැයිස්තුවක් ද පොලීසිය විසින් ප්‍රකාශයට පත් කර තිබේ. පොරොත්තු ලේඛනගත කර ඇති නිලධාරීන්ගේ විනය පරීක්ෂණ නිමා වීමෙන් පසු ඒ පිළිබඳව ඉදිරි පියවර ගනු ඇත.
