පකිස්තාන ටෙහ්රීක්-ඊ-ඉන්සාෆ් (PTI) පක්ෂයේ නිර්මාතෘ, හිටපු පාකිස්තාන අග්රාමාත්ය මෙන්ම හිටපු පාකිස්තාන ක්රිකට් නායක ඉම්රාන් ඛාන් අඩියාලා බන්ධනාගාරයෙන් පිටතට ගෙන ගිය බවට සහ ඝාතනය කර ඇති බවට පැතිර යන සියලු කටකතා බන්ධනාගාර බලධාරීන් විසින් නිෂ්ප්රභ කර තිබේ.
ඉම්රාන් ඛාන් තවදුරටත් බන්ධනාගාරය තුළ රැඳී සිටින බවත්, ඔහු යහපත් සෞඛ්ය තත්ත්වයෙන් පසුවන බවත් ඔවුහු තහවුරු කළහ. ඔහු මාරු කිරීම හෝ ඔහුගේ සෞඛ්යය පිළිබඳ සියලු කටකතා “පදනම් විරහිත” බව නිලධාරීන් අවධාරණය කළ අතර, PTI නායකයාට අඛණ්ඩව සම්පූර්ණ වෛද්ය ප්රතිකාර ලැබෙන බවට සහතික වෙයි.
මේ අතර, ආරක්ෂක අමාත්ය ක්වාජා අසිෆ් අදහස් දක්වමින් කියා සිටියේ, ඉම්රාන් ඛාන්ගේ වත්මන් සිරගත කිරීමේ තත්ත්වයන්, තමන් ඇතුළු අතීතයේ සිටි බොහෝ දේශපාලන සිරකරුවන් අත්විඳි තත්ත්වයන්ට වඩා සුවපහසු බවයි.
ඔහුට ලැබෙන ආහාරවල “තරු පහේ හෝටලයකවත් නොලැබෙන” මෙනුවක් ඇති බව අසිෆ් පැවසීය.
ඛාන්ට සියලුම නාලිකා සහිත රූපවාහිනියක් මෙන්ම ව්යායාම උපකරණ ද ලබා දී ඇති බව ඔහු සඳහන් කළේය.
තමන් අතීතයේ මුහුණ දුන් අත්දැකීම් සිහිපත් කළ අමාත්යවරයා කියා සිටියේ, තමන් සීතල බිමක නිදාගත් බවත්, ජනවාරි මාසයේදී දෙවියන්ගේ රැකවරණයට පමණක් යටත් වූ බවත්, උණු වතුර නොමැතිව සම්මත බන්ධනාගාර ආහාර අනුභව කළ බවත්ය.
බන්ධනාගාර පරිපාලනයේ සහ දේශපාලන නායකයින්ගේ මෙම ප්රකාශ දෙකෙහිම අරමුණ වී ඇත්තේ පැතිර යන කටකතා සමනය කිරීම සහ ඉම්රාන් ඛාන් අඩියාලා බන්ධනාගාරයේ රඳවා සිටියදී ඔහුගේ සෞඛ්යය හා ආරක්ෂාව ප්රමාණවත් ලෙස කළමනාකරණය කරන බවට මහජනතාවට සහතික වීමයි.
ඉම්රාන් ඛාන් 2023 අගෝස්තු මාසයේ සිට සිරගතව සිටින අතර, ඔහුට එරෙහිව දූෂණවල සිට ත්රස්තවාදී චෝදනා දක්වා බහුවිධ නඩු පවරා ඇත.
_______________
Adiala සිර ගෙදර ආසන්නයේ වාඩිවී විරෝධතා ව්යාපාරයකට නායකත්වය දුන් ඉම්රාන් ඛාන් ගේ සහෝදරිය, අලීමා ඛාන් සහ Pakistan Tehreek-e-Insaf (PTI) පක්ශයේ නායකයන් සමග සාකච්ඡා පැවැත්වූ පකිස්තාන් පොලීසිය අද සහ ලබන අඟහරුවාදා ඇයට ඉම්රාන් ඛාන් මුණගැසීමට අවස්ථාව දෙන බව ප්රකශ කිරීමෙන් පසු විරෝධතා ව්යාපාරය අවසන් කල බව ඉන්දියාවේ පුවත්පතක් වන The Tribune කියයි.
