අනතුර සිදුවූ වහාම මත්පැන් මට්ටම පරීක්ෂා නොකිරීම ගැන විපක්ෂයෙන් චෝදනා
ජාතික ජන බලවේගයේ (NPP) පාර්ලිමේන්තු මන්ත්රී අසෝක රන්වල විසින් පසුගියදා සිදු කරන ලද රිය අනතුර සිදුවන අවස්ථාවේදී ඔහු මත්පැන් පානය කර සිටියේද යන්න තීරණය කිරීමට දැන් ‘breathalyser test කිරීමෙන් තේරුමක් නොමැති බව සමගි ජන බලවේගයේ (SJB) පාර්ලිමේන්තු මන්ත්රී හර්ෂණ රාජකරුණා අද (15) ප්රකාශ කළේය.
“මන්ත්රීවරයා අනතුරට පත් වූ වහාම ඔහුව මත්පැන් මට්ටම පරීක්ෂා කිරීමට ලක් කළ යුතුව තිබුණා. දැන් නම් ඒ වෙලාවේ බීලා හිටියද කියලා හොයන්න බැහැ. ඒකට දැන් පරක්කු වැඩියි” යැයි මන්ත්රී රාජකරුණා සඳහන් කළේය.
මන්ත්රී රාජකරුණා වැඩිදුරටත් කියා සිටියේ, අසෝක රන්වලගේ හුස්මෙහි මත්පැන් තිබේදැයි පරීක්ෂා කිරීම සඳහා බැලූනයක් පුම්බන ලෙස පොලීසිය ඉල්ලා සිටි අවස්ථාවේ, අදාළ පොලිස් ස්ථානයේ සාදයක් තිබේදැයි මන්ත්රීවරයා පොලීසියෙන් විමසා ඇති බවට තමන්ට ආරංචි වූ බවයි.
“අපිට ආරංචි වුණා එම පරීක්ෂණය කිසිසේත්ම සිදු කර නැති බව. දැන් නම් පොලීසියට සාදයක් දාන්න පුළුවන්”
මන්ත්රීවරයා පෙන්වා දුන්නේ අනතුරක් සිදුවූ වහාම සැකකරුවන් මත්පැන් පරීක්ෂාවකට ලක් කිරීම අත්යවශ්ය නීතිමය ක්රියා පටිපාටියක් වන නමුත්, රන්වල මන්ත්රීවරයා සම්බන්ධයෙන් එය මඟහැරී ඇති බවට සැකයක් පවතින බවයි.
