සමාජ මාධ්යවල ළමා ඡායාරූප පළ කිරීමෙන් වළකින්නැයි අමාත්යාංශයෙන් අනතුරු ඇඟවීමක්
‘දිට්වා’ සුළි කුණාටුවෙන් පසුව විපතට පත් ප්රදේශවල ළමා ජාවාරම් සහ සූරාකෑමේ උත්සාහයන් යම් යම් අංශ විසින් ඉහළ නංවා ඇති බවට කාන්තා හා ළමා කටයුතු අමාත්යාංශය දැඩි අනතුරු ඇඟවීමක් කර තිබේ.
අමාත්යාංශ ප්රකාශකයෙකු සඳහන් කළේ, මෙම ව්යසනයෙන් සැලකිය යුතු දරුවන් පිරිසක් පීඩාවට පත්ව ඇති අතර, සමහර දරුවන්ට දෙමව්පියන් දෙදෙනාම හෝ එක් අයෙකු අහිමි වී ඇති බවයි. ව්යසනයෙන් බලපෑමට ලක් වූ දරුවන් පිළිබඳ නිශ්චිත සංඛ්යාව දින කිහිපයක් ඇතුළත ප්රකාශයට පත් කිරීමට අමාත්යාංශය සැලසුම් කරයි.
“අපට ළමා ජාවාරම් සහ සූරාකෑමේ උත්සාහයන් දැකගන්නට ලැබෙනවා. පීඩාවට පත් දරුවන්ගේ ඡායාරූප සමාජ මාධ්යවල පළ නොකිරීමට මහජනතාව වගබලා ගත යුතුයි,” යනුවෙන් අමාත්යාංශ ප්රකාශකයා පැවසීය.
මෙම අවාසනාවන්ත තත්ත්වයන් සම්බන්ධයෙන් පොලීසිය ද දැනුවත් කර ඇති බව අමාත්යාංශය වැඩිදුරටත් සඳහන් කළේය.
නොවැම්බර් 28 වන දින මෙරටට බලපෑ ‘දිට්වා’ සුළි කුණාටුව හේතුවෙන් ගංවතුර සහ නායයෑම් ඇති වී මානව ජීවිත, දේපළ සහ යටිතල පහසුකම්වලට පෙර නොවූ විරූ හානියක් සිදු විය.
කාන්තා හා ළමා කටයුතු අමාත්ය සාවිත්රි පෝල්රාජ් ‘ පැවසුවේ, ව්යසනය හේතුවෙන් දරුවන් 87 දෙනෙකුට දෙමව්පියන් දෙදෙනාම හෝ එක් අයෙකු අහිමි වී ඇති බවයි. මේ මොහොතේ අදාළ ආයතන විසින් නිසි දත්ත රැස් කරමින් සිටින බව ඇය වැඩිදුරටත් කීවාය.
-
එක්සත් ජාතීන්ගේ සංවර්ධන වැඩසටහන (UNDP ආයතනය)ට අනුව, සුළි කුණාටුවෙන් යට වූ ප්රදේශවල මිලියන 2.3 ක් පමණ ජනතාව ජීවත් වූ අතර, එයින් අඩකට වඩා වැඩි පිරිසක් කාන්තාවන්ය.
-
නව භූ අවකාශ විශ්ලේෂණයකින් හෙළි වන්නේ, සුළි කුණාටුවෙන් හටගත් ජල ගැලීම් හේතුවෙන් රටේ මුළු භූමි ප්රමාණයෙන් සියයට 20ක් පමණ වන හෙක්ටයාර මිලියන 1.1 කට අධික ප්රමාණයක් ජලයෙන් යට වී ඇති බවයි.
UNDP ආයතනය පෙන්වා දෙන්නේ, ජලයෙන් යට වූ ප්රදේශවල සිටි පුද්ගලයින්ගෙන් අඩකට වඩා වැඩි පිරිසක් සුළි කුණාටුවට පෙර සිටම අස්ථාවර ආදායම්, ඉහළ ණය බර සහ ආපදාවලට මුහුණ දීමේ සීමිත හැකියාව වැනි බහුවිධ අවදානම් සහිතව ජීවත් වූ පිරිස් බවයි. එවැනි තත්ත්වයන් යටතේ, සාමාන්ය කම්පනයක් වුවද දිගුකාලීන පසුබෑමක් බවට පත් විය හැකිය.
