2016 වසරේ ඌව පළාත් සභාවේ සිදු වූ මූල්‍ය අක්‍රමිකතාවන් සම්බන්ධයෙන් වූ නඩු විභාගයේ දී බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් දසනායකට ලබා දුන් ඇප අහෝසි කරන ලෙස අල්ලස් හෝ දූෂණ විමර්ශන කොමිෂන් සභාව විසින් කරන ලද ඉල්ලීම ප්‍රතික්ෂේප කිරීමට කොළඹ ප්‍රධාන මහේස්ත්‍රාත් අධිකරණය විසින් ප්‍රතික්ෂේප කරනු ලැබ තිබේ.
දෙපාර්ශවයේ ම දේශන අවසානයේ කොළඹ ප්‍රධාන මහේස්ත්‍රාත් තනුජා ලක්මාලි තීරණය කර ඇත්තේ අල්ලස් කොමිසමේ ඉල්ලීම ප්‍රතික්ෂේප කිරීමට ය.
අධිකරණයට ඉදිරිපත් කළ කරුණු වලට අනුව, සැකකරු ඔහුගේ බිරිඳ හරහා හිටපු ජනාධිපති රනිල් වික්‍රමසිංහගෙන් මාධ්‍ය හමුවක් පවත්වන ලෙස ඉල්ලා, දැනට ක්‍රියාත්මක විමර්ශනවලට බාධා කර ඇති බව අල්ලස් කොමිසම චෝදනා කළේය.
මෙම මාධ්‍ය හමුවේ දී හිටපු ජනාධිපතිවරයා සැකකරුගේ ක්‍රියාව නිවැරදි කරමින් සිද්ධිය සම්බන්ධයෙන් අසත්‍ය ප්‍රකාශ කර ඇති බව අල්ලස් කොමිසම සඳහන් කළේය.
කෙසේ වෙතත්, විත්තිකරු වෙනුවෙන් පෙනී සිටි ජනාධිපති නීතිඥ කාලිංග ඉන්දතිස්ස ඔහුගේ සේවාදායකයාට එල්ල වූ චෝදනා ප්‍රතික්ෂේප කළ අතර, සැකකරු කිසිදු සාක්ෂිකරුවෙකුට බාධා කළ බවට සාක්ෂි නොමැති බව ප්‍රකාශ කළේය.
හිටපු ජනාධිපතිවරයා මෙම නඩුවේ සාක්ෂිකරුවෙකු නොවන බව අල්ලස් කොමිසම පිළිගත්තේය.
මෙම සිද්ධිය සම්බන්ධයෙන් චාමර සම්පත් දසනායක අප්‍රේල් 8 වන දින ඇප මත නිදහස් කරනු ලැබීය.
