සියලුම කාණ්ඩවල වෛද්‍යවරුන්ට රජයේ අනෙකුත් නිලධාරීන්ට පහසුකම් සලසන 2/99 චක්‍රලේඛයට අනුව ඉන්ධන හා ප්‍රවාහන දීමනා ලබාදෙන ලෙස රජයේ වෛද්‍ය නිලධාරීන්ගේ සංගමය සෞඛ්‍ය ඇමැතිවරයා ගෙන් ඉල්ලා ඇත.
වෛද්‍යවරුන් රට තුළ රැඳී සිටීම දිරිමත් කිරීම සඳහා 2025 අයවැයට සිය සංගමය ඉදිරිපත් කළ 22/99 චක්‍රලේඛයට වෛද්‍යවරුන් අන්තර්ග්‍රහණය කිරීම කඩිනම් කරන ලෙස ඉල්ලා සිටින වෛද්‍ය සංගමය පවසන්නේ නිවසේ සිට රාජකාරියට ගමන් කිරීමේදී සිදුවන දුෂ්කරතා අනුව, ප්‍රවාහන පහසුකම් හෝ ඉන්ධන දීමනාවක් නොලැබීමෙන් වෛද්‍යවරුන් බරපතළ ගැටලුවකට මුහුණ පා ඇති බවයි.
