ජනාධිපති අනුර කුමාර දිසානායකගේ සහභාගීත්වයෙන් City of Dreams Sri Lanka හි සමාරම්භක උත්සවය අද පැවැත්වේ. මෙය ශ්‍රී ලංකාවේ පළමු ඒකාබද්ධ සංචාරක හෝටල් සංකීර්ණ ව්‍යාපෘතියයි.
City of Dreams Sri Lanka හි ආරම්භයත් සමඟ වැඩ අල්ලන Nuwa හෝටලය හා මෙල්කෝ රිසෝට් ඇන්ඩ් එන්ටර්ටේන්මන්ට් (Melco Resorts & Entertainment) විසින් ඉදිකර ඇති අති විශාල කැසිනෝ සංකීර්ණය නිරීක්ෂණය කිරීම ද ජනාධිපතිවරයා විසින් සිදු කිරීමට නියමිතය.
කෙසේවුවද මෙහි පළමු කොටස ලෙස ඉකුත් වසරේ ඔක්තෝබර් (15) මාසයේදී කාමර 687කින් සමන්විත සිනමන් ලයිෆ් හෝටලය විවෘත කෙරුණි.
Nuwa හෝටලය කාමර 113කින් සමන්විත එකකි.
මෙල්කෝ (Melco) විසින් මැකාව්, පිලිපීනය සහ සයිප්‍රස් හිද ඒකාබද්ධ නිවාඩු නිකේතන (integrated resort (IR) ද ක්‍රියාත්මක කරන අතර, ඒ සියල්ල City of Dreams සන්නාමය යටතේ ක්‍රියාත්මක වේ.
මේ අවස්ථාව, ආවරණය සිදුකරනු ලබන්නේ ජනාධිපති මාධ්‍ය අංශය විසින් බවද වාර්තා වේ.
