මහබැංකුවේ නියෝජ්‍ය අධිපතිවරුන් සඳහා ලබා දී ඇතැයි පැවසෙන BYD මාදිලියේ මෝටර් රථ ආනයනයේදී මහබැංකුව බරපතල අක්‍රමිකතාවක් සිදුකර ඇති බව පාර්ලිමේන්තු මන්ත්‍රී රවී කරුණානායක පවසයි.
මහබැංකුවේ නියෝජ්‍ය අධිපතිවරුන් සඳහා එම මෝටර් රථ 10 ක් හෝ 11 ක් ලබා දී ඇති බවත් මන්ත්‍රීවරයා කියා සිටියි.
ඊට අමතරව එම විදුලි වාහන සඳහා ඔවුන් ඉන්ධන දීමනාව ද ලබාගෙන ඇතැයි මන්ත්‍රීවරයා සඳහන් කරයි.
මාස 03 ක කාලයක් සඳහා එලෙස ඉන්ධන දීමනාව ලබාගෙන ඇති බව රවී කරුණානායක මන්ත්‍රී වරයා පසුගියදා පාර්ලිමේන්තුවේදී ද සඳහන් කළේය.
