මෙම වසරේ (2025) ඊයේ (18දා) දින දක්වා මාර්ගයන්හි සහ දුම්රිය අංගණවල සිදුව ඇති දුම්රිය පීලි පැනීම් ප්‍රමාණය 71ක් බව දුම්රිය දෙපාර්තමේන්තුවේ වෘත්තීය සමිති ප්‍රකාශකයෙක් සඳහන් කළේය.
එහිදී පසුගිය වසරේ (2024) එවැනි අවස්ථා 101ක්ද 2023 වසරේ 139ක්ද වාර්තා වී තිබේ.
ඊයේ උදෑසන ගාල්ල සිට කොළඹ දක්වා ධාවනය වූ සමුද්‍රදේවි කාර්යාල ශීඝ්‍රගාමී දුම්රිය ද කොළඹ කොටුව සහ මරදාන අතර පීලිපැනීමකට ලක්විය. මෙම දුමිරිය පසුගිය සෙනසුරාදා දින ද එම ස්ථානයේදීම පීලිපැනීමකට ලක්ව තිබිණි.
