හිටපු අමාත්‍ය රාජිත සේනාරත්නට එරෙහිව නිකුත් කර තිබූ අත්අඩංගුවට ගැනීමේ වරෙන්තුව අත්හිටුවන ලෙස ඉල්ලා කොළඹ මහේස්ත්‍රාත් අධිකරණයට ඉදිරිපත් කළ පෙත්සම අධිකරණය විසින් ප්‍රතික්ෂේප කර තිබේ.
ඒ අනුව, අද (අගෝස්තු 19) දිනයේදී මෙම පෙත්සම කැඳවූ අවස්ථාවේදී කොළඹ මහේස්ත්‍රාත් අධිකරණය මෙම තීන්දුව ප්‍රකාශයට පත් කළේය.
අල්ලස් කොමිසම විසින් සිදු කරන විමර්ශනයකට අදාළව තමන්ව අත්අඩංගුවට ගැනීම සඳහා නිකුත් කර ඇති වරෙන්තුව තාවකාලිකව අත්හිටුවන ලෙස නියෝගයක් ඉල්ලා හිටපු අමාත්‍ය රාජිත සේනාරත්න විසින් කොළඹ මහේස්ත්‍රාත් අධිකරණයට මෙම මෝසම ඉදිරිපත් කර තිබුණි. මෙම වරෙන්තුව අගෝස්තු 12 වැනිදා නිකුත් කර තිබුණි.
